Заварта драга до Дюрдьова

автор сас
1.1k Опатрене

ДЮРДЬОВ – Пред даскельо днями заварта драга з Дюрдьова спрам Жаблю, та ше з Дюрдьова на маґистралну драгу Нови Сад–Зренянин мож приключиц лєм з воженьом през хотар.

Як сообщене на урядовим сайту Явного подприємства „Драги Сербиї”, пре предлужованє роботох на державней драги на часци Жабель-Зренянин, под час роботох, превозки ше будзе препущовац раз з єдного напряму, раз з другого у єдней траки.

На крижаню драгох Нови Сад–Зренянин и Дюрдьов–Жабель будзе поставени кружни цек. З Нового Саду ґу Зренянину тераз заварта драга за круценє до Дюрдьова, а до Жаблю мож скруциц.

Анї єдна драга у хотаре з Дюрдьова ґу маґистрали нє порихтана або ушорена за превозки котри у тим периодзе буду тадзи преходзиц. Прето, окреме вноци, драга зна буц нєпреглядна, бо є полна з углїбенями и дзвига ше густи, дробни прах.

Кед условия за роботу буду дошлєбодзовац, робота будзе закончена по 15. новембер того року.

ПОВЯЗАНИ ТЕКСТИ