ШИД – Вчера, 8. юлия, закончени Духовни вежби за жени хтори од пиятку по нєдзелю були у церкви Преображеня Господнього и Лєтнєй владическей резиденциї.
Вежби, на хторих присуствовали жени зоз Руского Керестура, Коцура и Шиду, отримани ше под назву „Дзбан мойого живота” и окрем молитвох, духовней науки, роботи по ґрупох и ученя церковного шпиваня, служени и богослуженя.
Вежби водзели часни шестри Служебнїци, шестра Авґустина зоз Руского Керестура и шестра Цецилия зоз Кули хтора була задлужена за церковне шпиванє, а домашнї парох о. Михайло Режак служел Служби Божо.
На вчерайшей нєдзельовей Благодарней Служби Божей о. Режак подзековал шицким женом учашнїцом на приходу на Духовни вежби, а подзековал и часним шестром на їх пожертвовносци духовно змоцнїц жени.
На Служби Божей вчера пошвецени и малюнок Ангела цо меркує на дзеци, хтори намальовала Мая Йозанов, малярка зоз Нового Саду и хтори будзе виложени у голу дзецинскей заградки у будинку Лєтнєй владическей резиденциї.
