Закончуюци испит покладали 50 школяре

автор маф
888 Опатрене

РУСКИ КЕРЕСТУР – И у Основней школи „Петро Кузмяк” 13. и 14. априла 50 школяре осмей класи покладали пробни Закончуюци испит пред уписом до штреднїх школох, хтори их чека у юнию.

Пияток бул испит зоз математики, всоботу перше тест зоз руского язика, а потим и комбиновани з пейцох предметох – биолоґиї, ґеоґрафиї, историї, хемиї и физики. Резултати з тих тестох буду познати у цеку того тижня.

Як дознаваме од педаґоґинї Школи Мариї Шанта, школяре уж маю орґанизовани пририхтованя за Закончуюци испит зоз шицких предметох, а найинтензивнєйши буду накадзи законча наставу концом мая же би ше цо лєпше пририхтали за испит од хторого им завиши упис до штреднїх школох.

ПОВЯЗАНИ ТЕКСТИ