ШИД – На вчерайшей 23 схадзки, Општинска рада (ОР) Шид принєсла Предлог одлуки о Просторним планє општини Шид, як и предлог же би Општина виступела зоз спорозуменя о реґулованю депонийох шмеца з Општину Индїя, а пре векшу ефикасносц, таке спорозуменє подписала з Городом Сримска Митровица.
ОР прилапела и програми дїлованя ЯКП „Стандард“, „Водовод“ и Заводу за урбанизем за 2017. рок.
Тиж принєшени Правилнїк о финансованє програмох з буджету за потреби спорту, а основана и Комисия хтора одлучи о проєктох цо сцигли на конкурс за медийне софинансованє з општинского буджету.
Општинска рада опредзелєла милион 250 000 динари Дому здравя Шид за финансованє двох специялизацийох з обласци офталмолоґиї и интернистичней медицини.