Защитнїца и востоку и заходу

автор але
1.1k Опатрене

Вистава „Єлена, велька кралїца” пошвецена визначней сербскей владарки, кралїци Єлени Анжуйскей.  Тоту виставу Народного музею у Кралєве обдумали авторки Сузана Новчич, Татяна Михаилович и Емилия Пейович, а шлїдуюци два мешаци будзе поставена у вербаским музею. Инспирована є зоз животом кралїци, алє и зоз єй роботу у домену екуменизма и политики владаня хтора охабела моцни шлїди у сербскей историї, традициї, духовносци, державносци и култури у стреднїм вику.

Пре потреби виглєдованя авторки вистави нащивели шицки места у хторих кралїца Єлена Анжуйска жила и творела, а идея и же би вистава нащивела кажди векши город хтори вона нащивела. Потераз вистава уж була у Лиону, Паризу, Требиню, Котору, а тераз свою публику нашла и у Вербаше.

 – Вистава нашла свойо место и у контексту археолоґийого находзиска Шуваков салаш, хтори тиж походзи зоз стреднього вику. Факт же у чаше кед владала кралїца Єлена Анжуйска тота територия нє була лєм пустара, алє место стредньовиковного городу, и то вельо помага же би гражданє Вербасу лєпше зрозумели историят и значносц ґеоґрафского положеня свойого городу, окреме же тераз маю нагоду видзиц, та аж и дотхнуц, предмети хтори исную уж седем столїтия – гварел, Павле Орбович, историчар у Городским музею у Вербаше.

Jelenovo stvari

Кралїца Єлена Анжуйска ше коло 1250. року одала за цара Уроша I Неманїча и постала мац двох кральох, Драґутина и Милутина. Мала вельки угляд у православней церкви, до хторей прешла накадзи пришла до Сербиї, а познєйше ше у нєй  и замонашела, алє положенє и значносц у католїцкей вири нїґда нє страцела. Суверено владала над територию хтору иншак волали Держава кралїци Єлени, а то були обласци Дуклї, Албаниї, Хума, Далмациї и приморских обласцох. Була перша ктиторка на тих просторох и перша кралїца у сербскей историї хтору пошвецели за святу, алє и єдина жена у сербскей историї о хторей написане житиє.

З госцованьом тей вистави, у Вербаше, практично, почала манифестация музейох Сербиї „10 днї од 10 по 10”, а того року тема манифестациї „Mузей як госц”. Понеже Музей у Кралєве и Вербаше достали награду „Музей за 10” за найлєпше орґанизовани змисти под час манифестациї „10 днї од 10 по 10”, то була нагода же би ше два институциї лєпше повязали и зачерали вистави.

ОБРАЗ У ВАТИКАНУ

Svjati apostoliУ церкви Святого Петра у Ватикану ше находзи образ познати и як „Ватикански образ святих апостолох Петра и Павла” зоз 13. вику хтори церкви подаровала кралїца Єлена Анжуйска. На образу представени апостоли и кралїца зоз синами Милутином и Драґутином, а зоз кирилку написане „Святи Петро и святи Павло”.

ПОВЯЗАНИ ТЕКСТИ