НОВИ САД – У Покраїнскей влади вчера отримана презентация платформи „Office 365 education” котра оможлїви диґитализацию и унапредзенє образовного процесу, а за котру зоз покраїнского буджету видвоєни 20 милиони динари и котра будзе имплементована у 52 школох у АПВ.
Предсидатель Покраїнскей влади Иґор Мирович гварел же тота платформа барз значна прето же оможлїви лєгчейше повязованє професорох, школярох и наставнїкох. Вон додал и же континуоване провадзенє сучасних диґиталних технолоґийох, едукация и практичне применьованє нєобходни за отримованє крочая зоз розвитима жемами.
Платформа „Office 365 education” будзе уведзена до образовного процесу у 31 ґимназиї, у 13 фахових штреднїх школох и осем основних школох.