За предсидателя Сербиї єденац кандидати

автор саб  илустр вев
888 Опатрене

БЕОҐРАД – Републична виберанкова комисия (РВК) преглашела 11 кандидатури за участвованє на виберанкох за предсидателя Сербиї, хтори буду 2. априла, а розпорядок кандидатох на виберанковим лїстку будзе одредзени на ютре, 17. марца, з явним вицагованьом прейґ медийох.

Кандидати за предсидателя Александар Вучич (1970), правнїк, актуални предсидатель Влади Сербиї и лидер Сербскей напредней странки, спред Сербскей напредней странки и єй коалицийних партнерох; Саша Янкович (1970), правнїк, бувши  Защитнїк гражданох РС у двох мандатох, спред Ґрупи гражданох „За Сербию без страху”; Воїслав Шешель (1954), др правних наукох, лидер Сербскей радикалней странки, хтора го и кандидовала; Вук Єремич (1975), физичар, бувши дипломата, спред Ґрупи гражданох „Мушиме лєпше”, Бошко Обрадович (1976), филолоґ, предсидатель Сербского руху „Двери”, хтори го и кандидовал за предсидателя Сербиї.

Кандидати за предсидателя Сербиї и Саша Радулович (1965) дипл. електротехнїчар, лидер странки „Досц було”, хтора го кандидовала за предсидателя; Александар Попович (1971), др хемийних наукох, подпредсидатель Демократскей странки Сербиї, хтора го и кандидовала; Милан Стаматович (1960), технїчар-технолоґ, предсидатель Општини Чаєтина, спред Ґрупи ґражданох „За здраву Сербию”; Мирослав Парович (1984), дипл. инж. електротехнїки, мастер рахункарства, лидер Народного слободарского руху, хтори го кандидовал за предсидателя; Ненад Чанак (1959), економиста, предсидатель Лиґи социялдемократох Войводини, хтора го и кандидовала и Лука Максимович (1991, студент комуниколоґиї), алияс Любиша Прелетачевич Били, котрого кандидовала Ґрупа гражданох „Любиша Прелетачевич Били-Лєм моцно”.

ПОВЯЗАНИ ТЕКСТИ