БЕОҐРАД – Републична виберанкова комисия (РВК) преглашела и Воїслава Шешеля за кандидата за предсидателя Републики Сербиї, на виберанкох хтори буду 2. априла.
РВК утвердзела же кандидатура Воїслава Шешеля, лидера Сербскей радикалней странки, потвердзена з 12 976 валиднима подписами гражданох потримовки.
До вчера РВК преглашела трох предсидательних кандидатох – Александра Вучича спред СНС и єй коалицийних партнерох, Сашу Янковича спред Ґрупи гражданох „За Сербию без страху” и Воїслава Шешеля спред СРС.
За кандидованє за предсидателя Сербиї потребне назберац 10 000 подписи потримовки гражданох.