НОВИ САД – Стреду, 14. юния, подпредсидатель Покраїнскей влади Дьордє Миличевич и покраїнски секретар за польопривреду, водопривреду и лєсарство Вук Радоєвич уручели контракти предсидательом локалних самоуправох у Войводини, котри здобули право на безповратни средства по конкурсу за ушорйованє беґельских мрежох за одводньованє з польопривредних поверхносцох. Цалосна вредносц контрактох 920 милиони динари.
Як гварел подпредсидатель Покраїнскей влади Миличевич, слово о єдней з найзначнєйших конкурсних линийох ресорного секретарияту, та и цалей Покраїнскей влади – и по обсягу и по сущносци.
Покраїнски секретар за польопривреду Вук Радоєвич гаврел же инвестиция од 920 милиони динари за ушорйованє беґельских мрежох заєднїцка, дзе Секретарият участвує зоз 480, а локални самоуправи зоз 440 милиони динари.
Општина Кула за ушоренє беґелєскей мрежи на своєй териториї по тим конкурсу достала 30, а Општина Вербас 9,57 милиони динари.
