РУСКИ КЕРЕСТУР – Прешлого тижня у вельким огню погорела хижа старшей ґдовици у улїци Ирини Провчи. У огню нїхто нє покалїчени, алє у обисцу нє мож бивац, та порушана акция збераня помоци оправянє.
У огню очкодована векша часц обисца, понеже хижа набивана, алє два просториї дзе огень нє горел вироятнє ше годно пооправяц.
Кажде хто сце помогнуц, добродзечни прилог може охабиц у церкви и парохийней канцелариї, у ЯКП „Руском”, и на адреси ЮНА число 164 – у андьовей унуки, понеже андя тераз там пребува. Мож уплациц и на жиро рахунок у Ерсте банки 340-32310193-93 котри глаши на унуку Ванесу Шимко.
У вечарших годзинох на терен вишли огньогасци рускокерестурского Добродзечного огньогасного дружтва, а потим им до помоци пришла професийна огньогасна єдинка з Оджаку. Можебуц тот случай ище єдна нагода роздумац о тим же керестурским огньогасцом наисце потребна нова превозка векшого капацитету, а то можлїве витвориц лєм з добру дзеку шицких гражданох Руского Керестура.
