ЖАБЕЛЬ/ДЮРДЬОВ – Вчера, 20. октобра, з нагоди 22. октобра – Дня ошлєбодзеня Жаблю, опрез памятнїку жертвом фашистичного терору у Другей шветовей войни у парку у центре Жаблю положени венци на чесц шицким жертвом и борцом за шлєбоду у Другей шветовей войни.
Означованє Дня ошлєбодзеня почало з гимну Сербиї у виводзеню Мишаного хору „Пасторала” зоз Жаблю, о ошлєбодзеню Жаблю бешедовал предсидатель Општинского одбору СУБНОР Светозар Злоколица, а двойо рецитаторе зоз Жаблю пречитали два родолюбиви писнї.
Спред Општинского СУБНОР венєц на памятнїк положел Радослав Варґа, а спред Општини Жабель члени Општинскей ради Нерима Шовлянски и Ивица Саламун. Програма закончена зоз шпиванку „Ој, Сербијо, мила мати” и коктелом у шветочней сали Општини Жабель.
На пондзелок, 23. октобра, Дзень ошлєбодзеня будзе означени у Дюрдьове, опрез памятнїку жертвом фашистичного терору у Другей шветовей войни у парку у центре Дюрдьова (опрез ОШ) на 11 годзин.