ЖАБЕЛЬ – У Ґалериї Општинскей народней библиотеки „Велько Петрович” у Жаблю, штварток 9. марца, отримана Општинска смотра рецитаторох, на хторей ше змагали 46-еро рецитаторе у трох возростох, котри рецитовали на сербским и руским язику.
У младшим возросту ше на Зонску смотру пласовали пецеро рецитаторе, медзи нїма и тройо котри рецитую по руски – Иван Молнар, Марина Барна и Кристина Дюрян.
У штреднїм возросту за дальше змаганє ше пласовали штверо рецитаторе, медї нїма и Валентина Михняк и Валентина Салаґ.
У старшим возросту наступели лєм двоме рецитаторе, по сербски, и обидвоме ше пласовали на Зонску смотру.
Селектор на Општинскей смотри бул Миодраґ Петрович, ґлумец зоз Сербского народного театру у Новим Садзе, а наших рецитаторох у ОШ „Йован Йованович Змай” пририхтали Єлена Салаґ и Мария Самарджич, а у КУД „Тарас Шевченко” Яким Гарди.
Зонска смотра рецитаторох будзе у дньох того викенду, 18. и 19. марца у Бачу.