З Концертом повинчовали Дзень женох

автор сас
955 Опатрене

ДЮРДЬОВ – Всоботу, 11. марца, у полней сали Културно-уметнїцкого Дружтва „Тарас Шевченко” у Дюрдьове отримани Осмомарцовски концерт з нагоди Дня женох на хторим, попри домашнїх, участвовали и госци з Нового Саду и Ґосподїнцох.

У традицийней програми хтору дюрдьовске КУД орґанизує з нагоди Дня женох зоз шпиванками, рецитациями, и танцами участвовали наймладши члени того дружтва, дзеци з дюрдьовскей основней школи и предшколскей установи, як и дзецинска танєчна ґрупа, шпиваче и рецитатор Руского културного центру з Нового Саду, та дзеци котри у ґосподїнскей основней школи виучую руски язик – Маша Колошняї, Никола Добановачки и Драґана Иванов.

По законченю програми госци и учашнїки остали на друженю, дзе им понукнути и колачи хтори за тоту нагоду, уж традицийно, направели дзивчата з Пририхтуюцей фолклорней ґрупи домашного КУД.

ПОВЯЗАНИ ТЕКСТИ