НОВИ САД – Нєшка вишло тогорочне майске число часопису МАК, хторому „У фокусу” макетар Лука Вуячич з Нового Саду и за тото число Лука читачом МАК-у направел и символични дарунки – винчованки з пресованих рошлїнох.
„У фокусу” майского числа и порядна сотруднїца часопису Сенка Иван з Коцура, а „МАК-ов колаж” представя мастерантку Ана-Марию Недич з Коцура, котра студира у Паризу.
„Швет науки и технолоґиї” пише о лїковитих рошлїнох, як и о „QR коду”, а „Спорт и рекреация” о рукометних судийох Томиславови Семанови и Иванови Рацови з Руского Керестура.
У рубрики „Упознай себе” и тераз мож ришиц тест, а рубрика „З МАК-овей архиви”, понука и интервю зоз Саню Полдруги з 2000. року.
„Власни печац” у пиятим тогорочним чишлє представя штредньошколца Жарка Остоїча з Керестура и його поезию.