КОЦУР – Вчера, 13. децембра, у Етно клубе „Одняте од забуца” отримана вистава малюнкох голандскей уметнїци Риї Вармсбехер на тему „Израїл”.
Нащивителє котри на тот завод пришли до Етно клуба могли поопатрац наисце красни малюнки котрих инспировал Израїл, а вистава наволана „Любим Израїл”. На малюнкох мож препознац велї мотиви тей держави, а робени су у акрилней технїки.
Риа Вармсбехер до Коцура пришла зоз ґрупу волонтерох зоз голандского городу Хардервийк, котри прейґ Євангелскей церкви принєсли гуманитарну помоц.
