АВИНЬОН (ФРАНЦУЗКА) – На Фестивалу сучасней уметносци у Авиньону у Французкей, хтори будзе тирвац од 29. септембра по 21. октобер того року, буду виложени и подобово роботи – препознатлїви инсталациї нашей познатей уметнїци Ванеси Валет Гарди.
Ванеса Валет Гарди того лєта мала виложени роботи у ґалериї у Неодомиї у Французкей, потом на вистави у Трсту у Италиї хтора тирвала по 2. септембер, а єй роботи мож видзиц и у ґалериї у Женеви у Швайцарскей од 13. септембра по 2. новембер.
Попри тим, Валет Гардийова по конєц рока, у децембру, будзе викладац ище у ґалерийох у Базелу у Швайцарскей и Лиону у Французкей.
Одкеди ше прешлого року преселєла жиц до Анси у Французкей, Валет Гардийова вше присутнєйша на нових местох, а потераз була присутна и позната у подобовей уметносци у Словацкей, Ческей, Австриї и Сербиї, дзе жила и школовала ше. Ванеса Гарди Валет по походзеню з Руского Керестура.