КОЦУР – Фодбалере коцурскей „Искри” вчера почали пририхтованя за ярню часц першенства у Медзиопштинскей фодбалскей лиґи Бачка Тополя-Мали Идьош-Вербас-Бечей. Ярня часц змагательней сезони почнє концом марца, лєбо початком априла, а єшеньску часц „Искра” закончела на першим месце на таблїчки.
Тренер Здравко Бабич на першим тренинґу позберал 15 бавячох, а до предлуженя першенства „Искра” войдзе помоцнєта, понеже ше з пиньвицкей „Славиї” врацел Срдян Юшкович, а як помоцнєнє пришол и Петар Везмар, дотерашнї бавяч „Будучносци” зоз Савиного Села. З „Искри” пошол лєм Боґдан Сталевич.
Плановане одбавиц 5-6 приятельски змаганя, а перше будзе 26. фебруара процив „Ядрану” з Фекетичу .