НОВИ САД – Школяр шестей класи клавира ШОМО з Кули Михайло Рацпети, 27. мая на Фестивалу „Исидор Баїч” освоєл I-2 награду з 97 бодами од седем змагательох у своєй класи.
Рацпети школяр керестурского оддзелєня ШОМО у класи Мирона Сивча, а наступал з Баховову „Французку свиту”, Моцартову „Сонату у ц-дуру” и Листову „Етиду у б-молу”.
Най здогаднєме, Рацпети перше место у своєй катеґориї освоєл нєдавно и на фестивалу „Фантаст” у Бечею.