И Керестурци ше пласовали на Зонску смотру

автор зам
868 Опатрене

ЧЕРВИНКА – Шицки пейц представи хтори у кулскей општини участвовали на Општинскей смотри театралней твочосци за старших пласовали ше на Зонску смотру, хтора будзе у Червинки од 3. по 9. април.

Медзи пласовани и младежска представа Драмского студия АРТ Дому култури Руски Керестур „Боинґ-Боинґ” Марка Камелотия, у режиї Владимира Надя Ачима, хтора на Зонскей смотри наступи на вовторок, 4. априла.

З кулскей општини, дзе ше пре ище вше векшу и квалитетну продукцию аматерских представох и отримує Општинску смотру, на висшим змаганю буду участвовац театрални ансамбли з Червинки, Кули, Сивцу (тиж з текстом „Боинґ-Боинґ”) и Крущичу.

На Зонскей смотри участвую и по єдна представа зоз Жаблю и Зомбора, а сообщенє резултатох будзе на пондзелок, 10. априла, кеди у Червинки госцує театер „Добрица Милутинович” зоз Сримскей Митровици.

Зонску смотру орґанизую Културно-просвитна заєднїца Општини Кула, Дом култури Червинка и Союз уметнїцкей твочосци Войводини. Покровитель Смотри Општина Кула.

ПОВЯЗАНИ ТЕКСТИ