НОВИ САД – По податкох з хторима ше розполага, у Сербиї лєм 17 одсто жени ношителє польопривредного ґаздовства, так же жени котри жию у валалох и занїмаю ше з польопривреду на одредзени способ дискриминовани – пише портал РТВ.
Попри тим же су нє власнїци жеми и других нєрухомосцох, нє можу витвориц анї свойо права як други заняти жени, лєбо як поднїмателє, а єдно з нїх и право на положнїцке одсуство.
Як наявене з ресорного министерства, то того року будзе пременєне з Нарисом закона о финанийней потримовки фамелийом з дзецми.
У Нарису закона предвидзене же власнїци польопривредних ґаздовствох достаню право на положнїцке надополнєнє, хторе ше им будзе обраховйовац у складзе з основку на хтору плаца порциї и доприноси за ґаздовство.