ДЮРДЬОВ – Вчера, 23. октобра, з минуту цихосци почало означованє на Дзень ошлєбодзеня Дюрдьова.
Присутних опрез памятнїка погинутим борцом у Другей шветовей войни у парку у центра валала Светозар Злоколица, предсидатель СУБНОР зоз Жаблю, здогаднул на нємили случованя у войни, о статистики и подїйох у дньох ошлєбодзеня Дюрдьова. Присутни були почитователє того шмелого руху, родзина и найблїзши, як и представителє локалней власци. На памятнїк венци положели представителє СУБНОР-у, локалней власци и предсатвителє Месней заєднїци, а потим було друженє у просторийох МЗ Дюрдьов.
На вчерайши дзень ошлєбодзени и Ґосподїнци, та подобна подїя орґанизована и опрез памятнїка котри ше находзи опрез валаскей ОШ у валалским парку.