СУБОТИЦА – У филияли рускокерестурскей парохиї у Суботици, вчера, 26. марца, грекокатолїки у тим городзе на пригодни способ означели ювилеї шестрох Служебнїцох Непорочней Дїви Мариї – 125-рочнїцу снованя їх заєднїци на тих просторох и 70-рочнїцу снованя Вицепровинциї св. Осифа.
Ювилеї означени на Служби Божей у францисканским манастире, хтору служел керестурски капелан о. Михайло Шанта, и попри винчованкох, присутним шестром дзеци Боян и Адрияна Ковачово придали квеце и дарунок, а шицки присутни им одшпивали Многолїтствиє, з жаданьом же би ище длуго служели церкви и народу.
Служби Божо за наших вирних у Суботици ше у францисканским манастире отримує кажду остатню нєдзелю у мешацу на 16,30 годзин, дознава Рутенпрес од предсидателя Дружтва Руснацох у Суботици Ивана Гардия.