ДЮРДЬОВ – З розгварку о походзеню руского язика и творчосци на руским язику, споминаюци визначних преднякох и писательох котри уплївовали на розвой руского язика и литератури, школяре висших класох Основней школи „Йован Йованович Змай” у Дюрдьове означели Медзинародни дзень мацеринского язика.
Вчера тот Дзень означени и на годзинох руского язика при наставнїци Мариї Самарджич и при учительки Меланиї Саламун, котра учи школярох другей класи у єдиним руским оддзелєню у нїзших класох. Вчера наглашена важносц правилней рускей бешеди з хаснованьом поняцох котри ше нє хаснує у каждодньовей бешеди.