НОВИ САД – У Євангелицкей Методистичней церкви у Новим Садзе, пияток отримани Шветови молитвови дзень, на хторим участвовали и грекокатолїки, а по руски бешедовали Мария Гудак и Блаженка Хома-Цветкович.
Медзи присутнима були представнїки Римокатолїцкей Церкви, Словацкей еванґелицкей АВ Церкви, Реформатскей, Методистичней и Грекокатолїцкей Церкви. Модлєло ше по сербски, горватски, мадярски, словацки и по руски.
Мото того року – „Кажде створенє Боже добро”, а порихтали ю жени зоз Суринама (Южна Америка).
Шлїдзаци традицию Шветового молитвового дня, того року жени зоз Суринамия здогадли шицких же би ше модлєли у духу спомнутого мотоа „Кажде створенє Боже добро”, процив себичносци, вихасновйованя и антиеколоґийного справованя.
На концу, шицких благословели священїки Даниел Халас, Владимир Обшуст и домашнї паноцец того стретнуца Новица Бранков, а после схода було аґапе за присутних.
