БЕОҐРАД – Всоботу, 10. юния престали важиц стари паперово вожацки дозволи и вожаче котри превозки буду вожиц з паперову дозволу буду покарани зоз 6 000 до 20 000 динари и двома каребнима поенами кед прешло менєй як шейц мешаци од вицеку дозволи, а кед прешло вецей, вец кара од 15 000 до 30 000 динари, пейц каребни поени и три мешаци забрани управяня з превозку, виявел за РТС представитель Управи транспортней полициї Александар Раденкович.
Вожаче котри ище нє заменєли стару паперову вожацку дозволу, а нє управяю з превозку – нє буду покарани, а дозволу можу заменїц у наступним периодзе без пошлїдкох, гварел Раденкович.