БЕОҐРАД – На Медзинародней конференциї и сайму „Нови технолоґиї у образованю”, хтори отримани 8. и 9. юния у Беоґрадзе, участвовала и професорка математики у керестурскей школи „Петро Кузмяк” Наталия Будински зоз своїма школярками.
Будинскова всоботу, 9. юния, на главней бини преподавала о ученю алґоритмох през танєц, а тоту тему праве през танєц демонстровали школярки руского оддзелєня Ґимназиї.
На тей Конференциї, хтору орґанизовала медзинародна орґанизация „British Council”, було коло 3 500 наставнїкох зоз вецей жемох.