Керестурска Школа привитала будуцих першокласнїкох

автор маф
805 Опатрене

РУСКИ КЕРЕСТУР – Основну школу (ОШ) „Петро Кузмяк” з Руского Керестура вчера нащивели 26-еро дзеци з дзецинскей заградки „Цицибан” керестурского Оддзелєня ПУ „Бамби” з Кули, котри ше нєдавно уписали до першей класи ОШ.

На пригодним приєму дзеци привитала педаґоґиня Мария Шанта, а школяре двох оддзелєньох штвартей класи, з учительками Ксению Бодянец и Веруну Медєши, за нїх виведли кратшу програму. Тиж и оводарци, з виховательками Блаженку Мецек и Емилию Костич, указали часц того цо научели у дзецинскей заградки.

Як за Рутенпрес потолковала директорка Школи Хелена Пашо Павлович, по важацим правилнїку о упису до першей класи, 26-еро школяре достаточни лєм за єдно оддзелєнє, понеже за два оддзелєня треба найменєй 31 школяр.

ПОВЯЗАНИ ТЕКСТИ