БЕОҐРАД – Основна школа „Петро Кузмяк” з Руского Керестура, на поволанку Центра за промоцию науки, медзи першима у Европи поволана же би участвовала у европским проєкту за доставанє STEM School Label, односно ознаки же ше у тей школи природни предмети робя по найсучаснєйших наставних методох.
З нагоди того, у Науковим клубу Центра за промоцию науки у Беоґрадзе, 26. априла отримана роботня дзе наставнїки з керестурскей, вєдно з колеґами зоз ище двох школох зоз Сербиї, дискутовали о критериюмох хтори би означовали европски школи як школи хтори на окремни способ робя зоз школярами у обласци природних наукох, технолоґиї, математики и програмованя.
На стретнуцу присуствовали и представнїки ИТ индустриї, виглєдовацких индустрийох, а представнїца Педаґоґийного совитодавного одбора зоз Бриселу ше уключела прейґ скайпу.
На стретнуцу зоз керестурскей Школи були проф. математики Наталия Будински, проф. биолоґиї Тереза Катона, проф. физики Кристина Сабадош, проф. социолоґиї Татяна Колесар, проф. класней настави Славко Надь, педаґоґ Школи Любица Няради и помоцнїца директорки Невенка Пєшчич.