Керестурски бициґлисти и того року на „Миклошевцох”

автор аба/зам фото аба
885 Опатрене

МИКЛОШЕВЦИ – Предлужуюци длугорочну традицию, на Културней манифестациї „Миклошевци” и того року присуствовали троме Рускокерестурци, котри до Миклошевцох у сушедней держави допутовали на бициґлох, на чесц наших предкох и потвердзованя моцней вязи медзи Руснацами з двох бокох Дунаю.

После коло пейцгодзинового воженя на бициґли, бициґлистох з Керестура – Славка Папа, Владимира Маґоча и Педю Загорянския, у Основней школи у Миклошевцох внєдзелю, 27. авґуста коло 10,30 годзин дочекал и привитал предсидатель домашнього КУД „Яким Ґовля” и доначалнїк Општини Томповци Славко Ждиняк.

6-Biciglisti-02

После окрипеня и провадзеня пополадньовей програми, троме бициґлисти рушели назад до Керестура, дзе сцигли вечар после 21 годзин.

У рамикох Културней манифестациї „Миклошевци 2017” представителє институцийох з Миклошевцох и Томповцох и КУД „Яким Ґовля” положели венєц и запалєли швички на Памятну плочу погинутим у Отечественей войни у центре Миклошевцох, а Службу Божу на 11 годзин служели о. Янко Колошняї з Канади, дакедишнї священїк у Миклошевцох, и домашнї парох о. Яким Симунович.

6-Biciglisti-03

ПОВЯЗАНИ ТЕКСТИ