Керестурски школяре тих дньох на вецей змаганьох

автор маф
1k Опатрене

РУСКИ КЕРЕСТУР – Школяре Основней и штреднєй школи „Петро Кузмяк” тих дньох наступя на општинских и окружних змаганьох з биолоґиї, сербского язика як нємацеринского, анґлийского и математики.

Нєшка на општинским змаганю з биолоґиї у Червинки з керестурскей школи ше буду змагац 12-еро школяре од пиятей по осму класу, а пририхтала их наставнїца Єлена Шомодї.

На ютре, 18. марца, у ОШ „Петефи бриґада” у Кули будзе општинске змаганє зоз сербского язика як нємацеринского и на нїм буду участвовац седмеро школяре зоз седмей и осмей класи керестурскей Школи, а пририхтала их наставнїца Мария Балїнт.

Исти дзень, 18. марца, на окружним змаганю зоз анґлийского язика з керестурскей штреднєй школи буду ше змагац два школярки, а пририхтали их професорки Лїляна Фина и Кристина Куколь.

На стреду, 20. марца, на окружним змаганю з математики буду ше змагац двоме школяре пиятей и штвартей класи основней школи, а пририхтали их наставнїца Наталия Будински и учителька Нада Колошняї.

ПОВЯЗАНИ ТЕКСТИ