Керестурски школяре успишни з анґлийского и сербского язика

автор маф
883 Опатрене

РУСКИ КЕРЕСТУР – Школяре Основней школи „Петро Кузмяк” були успишни на Окружним змаганю зоз анґлийского язика, як и на Окружним зоз сербского як нємацеринского язика.

З анґлийского язика Желько Сопка ше пласовал на Републичне змаганє, а з керестурскей Школи ше змагала и Соня Балїцки. За змаганє их пририхтовал  наставнїк  Виктор Сакач.

Окружне змаганє зоз странских язикох отримане всоботу, 25. марца у Зомборе, а исти дзень було и Окружне змаганє зоз сербского як нємацеринского язика, алє у Кули.

На змаганю у Кули у конкуренциї седмих класох Леон Юрич завжал перше место, Леонтий Сивч друге, Александар Киш треце, а змагал ше и Павле Венчельовски.

У конкуренциї осмих класох керестурски школяре Теодора Новакович, Соня Балїцки и Давор Хома подзелєли перше место зоз сербского як нємацеринского язика, а змагала ше и Ивана Планчак. Шицких пририхтовала наставнїца Мария Балїнт.

Хто ше зоз сербского як нємацеринского язика пласовал на Републичне змаганє (28. априла) будзе обявене того тижня, по законченю шицких окружних змаганьох.

ПОВЯЗАНИ ТЕКСТИ