РУСКИ КЕРЕСТУР − Кирбайски вашар у валалє бул вонконцом Русинскей улїци, од центру ґу Косанчичу, як и кажди рок, а було наисце велько штанди хтори понукали рижнородни продукти за шицки ґенерациї и велї бависка за дзецинску розвагу.
На Кирбай пришли и велї госци з околних местох, та и з иножемства, цо уж традиция же домашнї на тот дзень у своїм доме дочекую родзину.
Зоз општинскей, односно каси Месней заєднїци за отримованє Кирбаю видвоєни 300 000 динари, з котрих, медзи иншим орґанизована журка у дискотеки „Амадеус”, а грал новосадски бенд „Жовти амрел”.