Кнїжка о тамбурки

автор ртв/мар  фото маф
1.3k Опатрене

НОВИ САД – Шветова тамбуркова асоцияция того тижня у Новим Садзе промовала кнїжку о тамбурки, преславеним войводянским инструменту, хтора пошвецена єй историї и людзом котри ю грали, а кнїжка преложена на три шветово язики.

Перши записи о тамбурки, о тим чудесним музичним инструменту, походза з дзешатого вику, гоч засиґурно мож повесц же походзи ище з часу Индиї и Вавилону.

Славни штредньовиковни драгописатель Евлия Челебия зазначел интересантни солистични инструмент хтори хлапци ношели на плєцу место пушки.

На панонски простори тамбурка сцигла у 17. вику, а найвекши виртуоз на нєй ту бул и остал по нєшка нєпревозидзени Яника Балаж. Зборнїк фахових роботох, хтори обявени после Другого конґресу Шветовей тамбурковей асоцияциї, преложени на анґлийски, нємецки и русийски язик, а по словох Йована Адамова, єден з цильох тей публикациї же би тамбурка, по хторей Нови Сад надалєко познати и шветово брендировани, була у наставним планє Одсеку за музику Академиї уметносцох, прето же о тим инструменту пишу и докторе наукох.

З тей нагоди поведзене и же ше на „Тамбурица фесту” того лєта буду змагац и побиднїки з предходних 10 рокох, пейц фестивалски днї буду у Новим Садзе, а єден дзень будзе у Коларчевей задужбини у Беоґрадзе.

ПОВЯЗАНИ ТЕКСТИ