БЕОҐРАД – На евиденциї Националней служби за обезпечованє роботи єст 696 000 нєзанятих, гварел за РТС директор тей институциї Зоран Мартинович и додал же то найменши процент нєзанятих од 2000. року.
Же би ше зменшало процент нєзанятих держава применює рижни мири, а Мартинович визначел же по конєц рока мож обчековац зменшанє того проценту за ище пейц одсто.
Роботодавателє ше найбаржей интересую за програму отвераня нових роботних местох, дзе за кажде роботне место опредзелєни стимулациї од 150 000 по 300 000 динари, а сума завиши од ступня розвитосци општини. Ґу тому, вельке интересованє и за фахову праксу за младих.
Конкурс за програму самообезпечованя роботи отворени по 10. април, а други явни поволанки по конєц рока, односно покля ше нє потроши средства.