ВЕРБАС – Городски музей Вербас розписал конкурс за фотоґрафиї, хтори буду виложени на вистави у рамикох манифестациї „Музеї Сербиї, дзешец днї од 10 до 10” од 11. по 20. май.
Конкуровац можу шицки котри ше професийно лєбо аматерски занїмаю з фотоґрафию, а мож посилац роботи на два теми – „Музеї у госцох” – у духу горе спомнутей манифестациї и одноши ше на нащиви музейом, алє и на госцованя музейних змистох, а друга тема „За хтори живот ше мам народзиц?” – пошвецена 50 роком рокенролу у Вербаше.
Як наглашене у условийох конкурсу, за обидва теми нє дошлєбодзене експериментовац, манипуловац, лєбо монтировац змист кадру. Фотоґрафиї на обидва теми можу буц монохроматски, лєбо у фарбох.
Роботи (по 6 фотоґрафиї на єдну тему) треба посилац по електорнскей пошти, на адресу – muzejkaoinspiracija@gmail.com, три найлєпши буду наградзени, а шицки вибрани роботи буду виложени у Городским музею у Вербаше.
Вецей о Конкурсу мож видзиц на веб-сайту www.nasemesto.rs.