Конкурс тирва по конєц юлия

автор ядю
1k Опатрене

НОВИ САД – Реґионална розвойна аґенция Бачка запровадзує проєкт „Розвой туризма Городу Нового Саду з креированьом нових туристичних продуктох-фамелийни туризем” хтори суфинансує Министерство тарґовини, туризма и телекомуникацийох Републики Сербиї.

Поволую ше шицки заинтересовани же би ше укючели до реализациї проєкта у рамикох хторого будзе виробени план розвою, маркетинґу, як и акцийни план фамелийного туризму Городу Нового Саду. Тиж будзе направени и е-портал на хторим будзе представена тота нова услуга (змесценє, погосцительни капацитети, спортско-рекреативни активносци, манифестациї хтори ше отримує у городу, културно-едукативни роботнї и друге).

Рок за приявйованє 31. юлий, а вецей о тим проєкту, як и упитнїк хтори треба пополнїц, находза ше на www.rda-backa.rs.

ПОВЯЗАНИ ТЕКСТИ