НОВИ САД – Конститутивна и перша схадзка Управного одбору (УО) Заводу за културу войводянских Руснацох (ЗКВР) у новим зволаню будзе отримана на пондзелок, 26. юния, на 11 годзин у просторийох Заводу у Новим Садзе.
После верификованя ришеньох о членстве у УО, за першу схадзку предложене упознаванє нових членох УО з роботу ЗКВР, приношенє нового Статуту ЗКВР, прилапйованє Дїловнїка о роботи УО, приношенє Одлуки о прилапйованю рочного плану явних набавкох, як и снованє комисиї за оценьованє приявох хтори сцигли на Конкурс Заводу за тогорочне финансованє орґанизованя наших фестивалох и манифестацийох.
Буду розпатрани и предкладаня за участвованє ЗКВР у програмох „Нови Сад – престолнїца култури 2021”, як и други технїчно-процедурални питаня вязани за роботу Заводу и його Управного одбору.