БЕОҐРАД – У Беоґрадзе нєшка, 21. септембра, будзе порядна схадзка Координациї националних совитох националних меншинох у Сербиї, под предшедованьом предшедуюцого Координациї, предсидателя НС Мадярох мр Єне Гайнала.
На схадзки буду присуствовац и представителє Националного совиту Руснацох, а на дньовим шоре розправа о Стратеґиї розвою култури у Републики Сербиї од 2017. по 2027. рок, пририхтованє за наступну схадзку Совиту за национални меншини Влади Републики Сербиї (наявене же будзе початком октобра), як и предкладанє приоритених обласцох за вибор програмох и проєктох хтори ше будзе финансовац з Буджетного фонду за национални меншини у 2018. року.
Буду розпатрани и други питаня вязани за национални меншини, насампредз за актуални вименки и дополнєня законох о националних совитох и о защити правох и шлєбодох националних меншинох.
Нєшкайша схадзка будзе у Палати „Сербия” на 12 годзин.