КОЦУР – Крачун по юлиянским календаре у Коцуре преславюю парохиянє грекокатолїцкей, православней и євангелскей церкви. На Вилїю у нашей грекокатолїцкей служене Всеночне, а у православней запалєни бадняк.
Служби Божо у грекокатолїцкей церкви служели о. Владислав Рац, о. Яков Кулич и о. Яков Новак, а вчера, на Други дзень Крачуна, Архиєрейску Службу Божу у Коцуре предводзел апостолски еґзарх за грекокатолїкох у Сербиї, владика Георгий Джуджар. Владика присутним парохияном пожадал щешлїви и благословени швета, а по Служби мировал вирних.
Церква з нагоди Крачуна оквицена, на службох ше шпива и коляди, а вчера у шицких службох було мированє.