КОЦУР – Всоботу, 10. марца, у сали Дома култури у Коцуре отримана премиєра дзецинскей представи „Кудлик пудлик чека ґазду” котру пририхтала драмска секция КУД „Жатва”.
Представу режирал предсидатель КУД „Жатва” Микола Шанта котри и ґлумел, а представа драматурґийно присподобена на основи истоменовей кнїжки приповедкох Штефана Гудака.
Окреме значне же КУД „Жатва”, после длугшей паузи, знова порушала драмску секцию и, як предсидатель Дружтва Микола Шанта визначел, прешлого викенду публика у Коцуре могла патриц коло 30 младих ґлумцох котри годни Коцуру обезпечиц шветлу будучносц кед у питаню драмски живот.
По законченю представи шицки ґлумци за успишно одґлумену представу на дарунок достали квице.
Представа „Кудлик пудлик чека ґазду” будзе представена на Драмским Мемориялу „Петро Ризнич Дядя” котри 16. марца почина у Руским Керестуре, а публика у Руским Керестуре тоту представу годна одпатриц 21. марца.
