ВОЙВОДИНА – Жимнєйша хвиля и паданя найвецей начкодзели кукурици, на хторей лїсточка тераз кафовей фарби, алє фаховци гваря же рошлїни здрави и пошвидко одруца очкодовани лїсца, цо оможлїви правилни рост и розвой у идуцих фазох веґетациї.
Кукурица дожила озбильни стрес, алє ше обнови на векшини парцелох. Стебло у добрим стану, та обнобйованє можлїве. Важне причекац же би рошлїна сама одруцела очкодованя од мразу, а аж потим можлїви дзепоєдни третмани хтори нє почкодза кукурици.
Фаховци тиж совитую же би ше нє понагляло з прешеваньом, алє же би ше попровадзело розвой ситуациї док будзе цеплєйше. Кед же у зидзенєй кукурици єст коровча, тераз го нїяк нє треба пирскац з хемийнима препаратами.
У случаю же ше кукурица нє обнови, треба прешевац, алє зоз совитом фаховцох.