ВЕРБАС/КУЛА – На змаганю општинох и городох хторе отримане у рамикох наградного бависка „Вежнї рахунок и победз 2018” општини Кула и Вербас достали по 23 тисячи евра.
У звиту Явного подприємства „Пошта Сербиї” стої же општина Кула у катеґориї штреднїх општинох освоєла друге место, з посиланьом 26 рахункох/слипох по жительови, а општина Вербас завжала треце место зоз 25 рахунками по жительови.
Тоти два општини освоєни пенєж годни вихасновац за опреманє и обнову школох, шпитальох, дзецинских заградкох, площох и других обєктох од явного значеня по вибору гражданох.
Општина Вербас у юнию на своїм официйним сайту орґанизує явне гласанє, после чого будзе утвердзене хтори проєкт будзе витворени зоз тих средствох, а Општина Кула ище нє видала сообщенє о своєй награди.