ДЮРДЬОВ – Вчера у дворе Ловарского Дружтва „Дюрдьов” з Дюрдьова найстаршей ґрупи дзецох з Оддзелєня дзецинскей заградки „Дюдєвак” ловаре представели свою роботу.
Дзеци привитал предсидатель Дружтва Влада Остоїн, котри им указал трофеї – роги дзивини и препарировану главу дзивей швинї, бешедовал им на яки способи ше ловаре стараю о природи и животиньох, а окреме о значносци отримованя природного балансу.
З чим дюрдьовски ловаре найчастейше ловя дзецом указал управнїк ловиска Драґан Живанов, а як випатра ловарска шмата, ловарски пес и як ше патри през меселатов указал им ловар Владо Горняк.
На концу друженя дзеци од ловарох достали теки за фарбенє з рисунками дзивих животиньох и крейдочки з хторима фарбели у лєтнїковцу ловарох, а дзеци ловаром подаровали свойо рисунки з тему о ловарох.