БЕОҐРАД – Час за подношенє виберанкових лїстинох за виберанки за нови зволаня националних совитох националних меншинох 19. октобер на пол ноци, а час за утвердзованє и обявйованє збирней виберанковей лїстини у Службеним гласнїку 24. октобер.
Републична виберанкова комисия (РИК) прилапела и термин за приношенє Ришеня о заключеню окремних виберацких спискох (ОВС) нациналних меншинох – 19. октобер. Тоти котри ше ище вше нє уписали до ОВС, можу то ище вше зробиц. Хторе конєчне число гласачох будзе ше знац до 1. новембра на пол ноци.
Прилапени и термин за утвердзованє и обявйованє звита зоз вкупнима резултатми виберанкох – 8. новембер на 20 годзин.
Препорука РИК-а же би учашнїки виберанково лїстини подношели кажди дзень од 9 до 18 годзин у Народней скупштини, покля гевти котри жадаю присц през викенд, буду ше мушиц наявиц кажди пияток до 17 годзин.
У виберанкох за национални совити националних меншинох участвую 22 национални меншини, 18 буду гласац директно, медзи нїма и руска национална меншина, а штири национални меншини – македонска, русийска, горватска и чарногорска буду на виберанкох участвовац прейґ електорских скупштинох.