Манифестациї з нагоди Нового року по старим календаре

958 Опатрене

БАРДЕЙОВ/ПРЕШОВ (СЛОВАЦКА)/УЖГОРОД (УКРАЇНА) – З назву „Русински Силвестер”, Реґионални клуб Русинскей оброди у Бардейове орґанизує дочекованє Нового року по старим, юлиянским календаре. Новорочно-танєчна забава у Бардейове будзе на ютре, 13. януара, у Готеловей академиї.

Як пише лем.фм, Нови рок по новим и по старим календаре з окремним концертом на ютре, 13. януара, означи и Поддуклански уметнїцки народни ансамбл (ПУНА), у Прешове.

З нагоди шветох ПУНА видала нови крачунски албум, хтори будзе представени на ютрейшим концерту у Велькей сали Театру „Йонаш Заборски” у Прешове, а на концерту участвую и дзепоєдни госци ПУНИ-и.

УА-репортер информує же у Ужгородзе, главним городзе Закарпатскей обласци України, на соботу и нєдзелю, 14. и 15. януара, на отвореним буду орґанизовани вецей манифестациї, тиж пошвецени Крачуну и Новому року, а обєдинєни з назву „Василия”, з нагоди Дня Василия Велького.

7-Manifestacijii-02

Програма почнє на соботу з Обласним змагательним фестивалом вертепових и колядових ґрупох з назву „Нова радоссц стала”, а исти дзень почнє и Саям вина, меду, сира и традицийних закарпатских єдлох, з рижнима забавнима змистами за дзеци и старших.

На нєдзелю, 15. януара, Закарпатски обласни музей народней архитектури орґанизує

там популарни жимски фестивал „Коляди у старим валалє”, на хторим участвую рижни шпивацки ґрупи, а Служба Божа будзе и у єдней церкви у сканзену.

7-Manifestaciji-03

ПОВЯЗАНИ ТЕКСТИ