БИКИЧ – Вчера, на швето Успениє пресвятей Богородици, церква и вирни у Бикичу преславели храмове швето – Кирбай.
Шветочну Службу Божу предводзел о. Михайло Режак, парох у Шидзе и декан сримски, а сослужели о. Дарко Рац, парох у Бачинцох и домашнї парох о. Владимир Еделински Миколка.
У казанї о. Михайло Режак бешедуюци о Пречистей Дїви Мариї гварел, медзи иншим, вона Нєбесна Мац хтора нас зоз свою одежду притулює ґу себе и ґу свойому шерцу и дава нам защиту.
Служба Божа закончена зоз „Многолїствийом”, а потим вирни предлужели преславйовац Кирбай у своїх обисцох зоз госцами хторих було и зоз других наших местох, та и зоз Републики Горватскей.
