РУСКИ КЕРЕСТУР – Матуранти Ґимазиї и напряму Туристични технїчар Штреднєй школи з домом школярох „Петро Кузмяк” вчера зоз своєй Школи шветочно випровадзени на свой матурски вечар до ресторану „Червена ружа”.
У мено Школи матурантох випровадзела професорка Таня Бучко Рац, а пречитана и єдна їх писмена робота о законечню штредньошколского образованя.
Матуранти ше у шветочней колони, вєдно зоз своїма професорами и класнима старшинами – руского оддзелєня Ґимназиї Еуфемию Чапко, сербского оддзелєня Ґимназиї Тат’яну Колесар и Марию Будински и Туристичного напряму Єлену Миркович, прешпацирали по Русинскей улїци до центру Керестура, дзе ше фотоґрафовали як оддзелєня и зоз своїма найблїзшима, котри их провадзели у вельким чишлє на тей подїї.