Мац Божа нас дочекує и випровадзує

автор мгк
990 Опатрене

ПЕТРОВАРАДИН – Концом юлия и початком авґуста преславени Мали и Вельки Текиї, а римокатолїцке Сримске владичество того року означело 10-рочнїцу самостойносци и успоставенє Дяковацко-осєцкей архиепископиї и митрополиї. До составу новей митрополиї приключени суфраґански владичества Пежешка и Сримска.

Всоботу, 4. авґуста, преславени Вельки Текиї – Шнїгова Мария и пополадню на три годзин була нагода за св. споведз, а на штири годзин була Служба Божа по церковнославянски. Потим, служене по мадярски и по горватски зоз процесию.

Грекокатолїцку Службу Божу служел парох новосадски о. Юлиян Рац, хтори у казанї по руски и по українски визначел же нас и того року поволала наша Мац Нєбесна же бизме ю пришли опатриц и жадац єй молитви за нас, ближнїх, та и нєприятельох.

– Лєм мац и Богородица можу и сцу помогнуц дзецом на єдинствени способ. Нїхто нє тельо страцени же би за ньго нє могла буц вимодлєна ласка спашеня. Мац Божа нас вше чека, одшмелює и випровадзує, посила ґу свойому синови Исусови за спашенє – гварел о. Юлиян.

ПОВЯЗАНИ ТЕКСТИ