ВЕРБАС – Писателька и одвичательна редакторка Часопису за дзеци „Заградка” Мелания Римар, вчера нащивела годзину у Основней школи „Светозар Милетич” при учительки Славици Мали.
Школяре од першей по шесту класу, хтори виучую руски язик як виборни при учительки Малийовей у тей школи, з тей нагоди рецитовали писньочки и бешедовали з Римарову, хтора им подзелєла и нове виданє „Заградки”.
Римарова єдней школярки принєсла и награду за роботу хтору скорей послала до часописа, а на концу годзини дзеци научела єдну руску народну писньочку, та ю школяре на концу вєдно рецитовали.
