НОВИ САД – Предсидатель Покраїнскей влади Иґор Мирович виявел же ше вєдно з Министерством польопривреди интензивно роби на приношеню мирох помоци польопривреднїком пре чкоду од суши, а мири буду познати концом септембра, лєбо початком октобра.
– Инициятива остава на министрови, ми превежнєме мири за хтори зме як Покраїнска влада компетентни. Спатриме ситуацию и оценїме чкоду, а верим же концом септембра и початком октобра понукнєме и механїзми котри ма Покраїнска влада у рамикох ресорного министерства – гварел Мирович за РТС.
Мирович додал же ше у Покраїни розпатра можлївосц зменшаня, лєбо одписованя каматох на надополнєнє хторе наплацує ЯП „Води Войводини” за польопривредну жем, алє же ище вчас бешедовац о конкретних мирох.
– Будзе то пакет озбильних мирох хтори пририхтує Министерство польопривреди, з чим чкода у значней мири будзе надополнєна – гвиявел Мирович, додаваюци же тогорочна суша була велька, алє нє драматична як 2012. року.